Is ceantar ar leith Dún Laoghaire-Ráth an Dúin lena mbaineann bisiúlacht ó thaobh cúrsaí cultúir. Tá de theist ar Chomhairle Chontae Dhún Laoghaire-Ráth an Dúin gur fada infheistíocht á déanamh i gcaipiteal cultúir an limistéir agus le himeacht na mblianta, tá coimisiúnú agus léiriú déanta ag an gComhairle ar fhéilte, ar thaispeántais, ar thréimhsí cónaitheacha, ar thionscadail scoile agus ar chláir maidir le healaín phoiblí ionas go mbrostaítear leis an bhforbairt ar an ealaín go háitiúil agus go gcothaítear í.

Is é atá d'aisling againn maidir le hÉire Ildánach go mbeadh de dheis ag an uile dhuine a chónaíonn sa Chontae a gcuid cruthaitheachta a thapú agus a thabhairt chun cinn chomh mór agus atá iontu. Is dlúthchuid den aisling an rannpháirtíocht agus deis an ealaín agus an chruthaitheacht a thaithí agus a thapú. Meastar buntábhacht freisin, maidir lena leagtar amach faoi Éire Ildánach a thabhairt i gcrích, le ceangal a chothú idir ealaíontóirí, agus daoine eile den lucht cruthaitheachta, agus dreamanna den phobal.