Tá an Cultúr agus an Chruthaitheacht i gcroílár an phobail againn. Is é atá d'aisling maidir le Contae Cheatharlach saol na linne seo romhainn a chruthú sa chaoi is go mbíonn an cultúr agus an chruthaitheacht croílárnach i ngach iarracht agus dícheall caighdeán an tsaoil, sonas, sláinte, folláine agus rachmas eacnamaíochta a chur chun cinn le clár oibre ata bunaithe ar an duine agus a fhágann gur féidir an cultúr agus an chruthaitheacht a thapú agus gur gnáthchuid den ghnáthlá é i saol an duine agus sin chun tairbhe do cách. Tá na luachanna seo a leanas leagtha amach go sonrach ag meitheal cultúir agus cruthaitheachta Chontae Cheatharlach faoi mar a luaitear sa straitéis Cultúir agus Cruthaitheachta trí bliana,

• Áisiúlacht agus Ilchuimsitheacht ionas go gcinntítear rannpháirtíocht chomh mór agus is féidir a théann i gcion ar an bpobal ar fud Chontae Cheatharlach.
• Ceannródaíocht, ionas go gcinntítear gur ionad é Contae Cheatharlach a bhfuil borradh faoin nuálaíocht ann agus inar féidir dá réir leis an gcultúr agus leis an gcruthaitheacht a bheith faoi bhláth,
• Oscailteacht, ionas go gcinntítear cur chuige atá oscailte dáiríre sa chaoi is gcur féidir le dreamanna den phobal a theacht in inmhe go hiomlán.
• An Comhar, ionas go gcinntítear go gcruthaítear agus go gcothaítear comhar agus páirtnéireacht dáiríre trínar féidir eolas agus scileanna a mhalartú ar mhaithe le torthaí den suntas.
• Aitheantas, ionas go bhfeictear an fiúntas atá leis an gcultúr agus leis an gcruthaitheacht mar acmhainn bhunriachtanach agus go ndéantar an ardaidhm a ghabhann leis na téamaí straitéiseacha a fhógairt, a admháil agus a chur chun tosaigh.