Skip to main content
Limerick City

Luimneach

Tráth a bhfuil athrú tréan faoin saol inár dtimpeall, is féidir an ceangal leis an áit agus lena chéile a choinneáil tríd an oidhreacht agus trí chultúr na linne seo ionas gur féidir linn iniúchadh a dhéanamh ar an dream dár díobh sinn agus an modh ina mairimid in éineacht. Cuireann an chruthaitheacht ar ár gcumas dul i ngleic leis an athrú agus le réimsí dúshláin a thagann dá bharr. Cuidítear linn rudaí a fheiceáil i bhfianaise a chéile, seifteanna réitigh a aimsiú, dul ar aghaidh agus ceiliúradh a dhéanamh.

#weareculture - Ráiteas tréan a bhí sa haischlib seo maidir leis an ról atá leis an gcultúr agus leis an gcruthaitheacht i Luimneach agus comhartha go ndéanann an uile dhuine againn an cultúr a chruthú agus go mbaineann sé le cách. Mar gheall ar a bheith ina Príomhchathair Náisiúnta Cultúir sa bhliain 2014 agus iarratas a dhéanamh maidir le Príomhchathair Eorpach an Chultúir don bhliain 2020, bhí aird ar shaol ardaidhme an chultúir i Luimneach agus tarraingíodh isteach cuid mhór nár thaithigh beartaíocht cruthaitheachta go dtí sin. Spreagadh lucht an chultúir, bíogadh saoránaigh agus rinneadh cion tairbhe maidir leis an gcultúr a chur i gceartlár an bheartais phoiblí agus na pleanála maidir lena mbeidh i ndán do Luimneach sa ré atá romhainn.

I Luimneach, ní rud simplí an cultúr, tagann sraitheanna éagsúla i gceist. Ina fhianaise sin, feictear Luimneach dúinne trí shúile an ilamhairc agus feictear an réimse a bhaineann le cúrsaí féiniúlachta, cultúir, staire, taobh tíre agus cineálacha éagsúla cur in iúl a fhágann a lorg ar shainiúlacht an réigiúin mar gheall ar a bheith ar fáil in éineacht. Feictear gur gá an t-ilghnéitheacht, an t-idircheangal agus an t-idirdhisciplíneachas maidir le cruthaitheacht agus nuáil den chineál is mian linn a chothú i Luimneach.

Is í an aisling atá le hÉire Ildánach i Luimneach go gcruthófaí muinín as cultúr an réigiúin ionas go dtuigtear do lucht dhéanta na gcinntí agus don uile shaoránach i Luimneach an tábhacht atá leis an gcultúr agus leis an gcruthaitheacht maidir le haontacht, forbairt inmharthana agus maitheas an duine a chothú agus go nglacann siad páirt i dtabhairt chuspóirí na straitéise i gcrích.

D'fhonn an aisling ardaidhme a leagtar amach maidir leis an gclár Éire Ildánach a thabhairt i gcrích, táthar ag cur le buanna príomhthábhachta Luimnigh, buanna a hadmhaíodh ar an leibhéal idirnáisiúnta le linn na bpróiseas tairisceana maidir le Príomhchathair Náisiúnta an Chultúir agus Príomhchathair Eorpach an Chultúir. Is iad sin:

• An téagar a bhaineann le heagraíochtaí éagsúla cultúir i Luimneach agus an acmhainn atá iontu a theacht chun cinn mar fhorais náisiúnta;
• Spéis agus ceannaireacht in earnáil an chultúir i Luimneach maidir le forbairt cultúir ar leibhéal an phobail;
• Díograis agus dúthracht maidir le ról an chultúir agus na healaíne i ndáil le hathchothú agus le forás acmhainne;
• Bríomhaireacht chultúr na n-óg agus an tionchar a bhíonn ag daonra mór mac léinn;
• Saibhreas agus beocht maidir leis an oidhreacht áitiúil agus leis an oidhreacht idirchultúir;
• An caidreamh tairbheach áitiúil, náisiúnta agus idirnáisiúnta a bhíonn á fhorbairt agus á chothú.

Image ALT text

‘Head in The Clouds’

Tá d'aidhm ag Lumen cur le cúrsaí cultúir i Luimneach agus sa réigiún máguaird. Amharclannaíocht Sráide a chleachtann an compántas agus baintear leas as traidisiún tréan láidir Chathair Luimnigh i mbun na healaíne sin agus Lumen ag féachaint le spéis an phobail a chothú le taibhréimeanna don tsúil atá spleodrach, sainiúil, spreagúil agus iad suite i dtimpeallacht foirgníochta Luimnigh.

Foireann Cultúir agus Cruthaíochta

Laughing conductor

Pippa Little

Acting Arts Officer

Teagmháil

Dr Pat Daly

Chief Executive, Limerick County Council

Teagmháil

Gordon Daly

Director of Services, Social Development Directorate

Teagmháil

Damien Brady

Senior Manager, Libraries & Museum, City & County Librarian

Teagmháil

Mike Cantwell

Head of Innovate Limerick

Teagmháil

Bernadette Collins

Executive Planner, Limerick 2030 & EYCH 2018 Coordinator

Teagmháil

Anne Rizzo

Administrative Officer, Social Policy Directorate

Teagmháil

Jacqui Hayes

City & County Archivist

Teagmháil

Paul Ryan

Regional Film Coordinator

Teagmháil

Úna McCarthy

Director/Curator, Limerick City Gallery of Art

Teagmháil

Sarah McCutcheon

Executive Archaeologist

Teagmháil

Sinead McDonnell

Environment Awareness Officer

Teagmháil

Majella O’Brien

Tourism Officer

Teagmháil

Thomas O’Neill

Heritage Officer

Teagmháil

Matthew Potter

Curator, Limerick Museum

Teagmháil

Rosie Webb

Senior Architect, Urban & Village Renewal

Teagmháil

Mo Foley Walsh

Healthy Limerick Coordinator

Teagmháil

Ár Straitéis

Limerick.pdf
Íoslódáil