Oibreoidh Foireann Phort Láirge Ildánach i gComhairle Cathrach agus i gComhairle Contae Phort Láirge i gcomhar le hInstitiúid Teicneolaíochta Phort Láirge chun oibriú le cúig phobal éagsúla ar fud na cathrach agus an chontae chun aghaidh a thabhairt, trí idirphlé, ar na téamaí ríthábhachtacha sin.

Trí dhaoine cruthaitheacha a earcú, úsáidfear cuir chuige shamhlaíocha chun aghaidh a thabhairt ar na saincheisteanna seo agus chun réitigh a phlé. I rith an ama, roinnfear an t-aschur ealaíonta cruthaitheach seo trí thaispeántais phoiblí agus go digiteach freisin. Ag garspriocanna tábhachtacha i rith na bliana, tabharfaidh cruinnithe i Halla an Bhaile — go pearsanta agus ar líne araon – deis do na pobail a dtaithí, agus an dul chun cinn atá déanta acu ó thaobh dul i ngleic leis na shaincheisteanna, a roinnt.

Cabhróidh suíomh gréasáin saintógtha leis na pobail, na daoine cruthaitheacha agus foireann an tionscadail íomhánna a thaispeáint agus an pobal a chur ar an eolas faoi imeachtaí comhroinnte faisnéise agus gnéithe eile. Úsáidfear leabharlanna, músaeim, gailearaithe agus féilte beoga Phort Láirge ar nós Spraoi, Waterford Walls agus Winterval, mar ardáin phoiblí do na pobail agus do na daoine cruthaitheacha atá i gceist.

Ó Mheán Fómhair 2021 go deireadh 2022, cabhróidh ACT Phort Láirge le pobail ar fud Phort Láirge agus iad ag cur le todhchaí inbhuanaithe agus iar-COVID a leabaíonn an chruthaitheacht sa phobal.

Faigh tuilleadh eolais faoin gciste um Ghníomhú ar son na hAeráide go Cruthaitheach