Ealaíona beo i bpobal athéiríoch!
Faoi stiúir Declan Gorman, d’oibrigh 60 taibheoir pobail, 40 oibrí deonach cúlstáitse agus níos mó ná 50 duine aonair tacaíochta agus grúpaí pobail in éineacht lena chéile chun brionglóid Zoom ó thréimhse na dianghlasála a fhíorú sa saol réadúil, iar-Covid i dtréimhse roinnt seachtainí.
Cuireadh tús le hobair ullmhúcháin don fhéile 15 mhí roimhe sin nuair a roghnaíodh Declan faoin Snáithe Comhoibrithe sa scéim ealaíne poiblí “Infrastructure” ag Comhairle Contae Fhine Gall chun dul i dteagmháil le pobail áitiúla. Bhunaigh sé Green Belt Arts i mí an Mheithimh 2020.
Tháinig an grúpa seo le chéile gach seachtain ar Zoom chun taighde a dhéanamh ar na píosaí drámaíochta agus iad a fhorbairt agus a scríobh, a chuirfí i láthair ar deireadh thiar le linn 2021 i gcomhpháirtíocht le Cumann Drámaíochta an Rois; Grúpa Gníomhaíochta Lusca agus Scoil Drámaíochta Power.
Áiríodh leo sin The Green Belt Trilogy: trí cinn de dhrámaí úrnua a cuireadh i láthair ar feadh siúlóid gharbh ó fhothracha iontacha na póirseáide ag Diméin Chinn Iúir go dtí an Túr Martello ar Rinn Dhroim Mheánach. I seanláir bhailte an Rois agus Lusca in If These Streets Could Talk, cuireadh an lucht féachana ag fálróid ar bhealaí a bhí leagtha amach cheana, áit ar cuireadh scéalta drámaíochta i láthair a raibh ceangal fánach eatarthu inar cuireadh domhan na feirmeoireachta, na hiascaireachta, an oideachais agus shaol an phobail in iúl, agus tugadh aird ar leith ar shaol ceilte na mban in Éirinn sa 20ú hAois.
Mayor of Fingal Cllr. Seaná Ó Rodaigh
"I ndiaidh tréimhse chomh fada díomá mar gheall ar aon oiread sin imeachtaí bheith curtha ar ceal, tá sé ina ardú meanman a fheiceáil go bhfuil imeacht poiblí á chur in oiriúint chun cur ar chumas an phobail teacht le chéile ar bhealach sábháilte agus oidhreacht, cultúr agus tallann áitiúil Fhine Gall a cheiliúradh"
