Tá an cultúr croílárnach maidir le sainiúlacht Bhaile Átha Cliath agus le caighdeán an tsaoil ann, is é an cultúr a fhágann gur cathair bhríomhar í atá tarraingteach ag lucht féachana áitiúil, náisiúnta agus idirnáisiúnta maidir le litríocht, ceol, damhsa, amharclannaíocht, gnéithe den oidhreacht agus ealaín don tsúil a thapú.

Tá clú ar fud an domhain ar Bhaile Átha Cliath mar gheall ar an oidhreacht chultúir, an stádas mar Chathair Litríochta de chuid UNESCO agus oiread d'fhorais náisiúnta cultúir na hÉireann a bheith suite ann, na smaointe, an spreagadh agus na deiseanna a bhíonn ar fáil ann ceangal a chothú le gnéithe den chultúr agus den chruthaitheacht, rud a tharraingíonn lucht féachana áitiúil, náisiúnta agus idirnáisiúnta chun litríocht, filíocht, ceol, damhsa, amharclannaíocht, gnéithe oidhreachta agus na hamharc-ealaíona a thaithí.

Seasann Cathair Bhaile Átha Cliath le rannpháirtíocht agus saothrú an chultúir trí chomhar páirtnéireachta a chothú, trí ghnéithe suntasacha den infreastruchtúr cultúir a chur ar fáil ar fud na Cathrach agus i gcomharsanachtaí éagsúla na háite. Mar gheall ar Straitéis Cultúir agus Cruthaitheachta Chathair Bhaile Átha Cliath faoin gclár Éire Ildánach tá an ceangal idir an chathair agus saoránaigh na cathrach níos treise ná mar a bhí riamh. Soirbhíonn an téama maidir le 'comhar cruthaitheachta' leis an gcultúr agus an chruthaitheacht a fhorbairt agus a chur chun cinn i gCathair Bhaile Átha Cliath. Is féidir le daoine dá réir dul i ngleic leis an gcruthaitheacht ina gcomharsanacht féin agus níos faide ó bhaile.

Tá tábhacht nach beag le deiseanna a chruthú do leanaí páirt a ghlacadh i gcúrsaí cultúir agus cruthaitheacht ó thús an tsaoil, ní amháin maidir le sláinte, maitheas agus forbairt an linbh, ach mar chuid freisin de chinntiú na hinmharthanachta maidir le leas an chultúir i mBaile Átha Cliath san am atá le teacht. I rith ré feidhme Straitéis Cultúir agus Cruthaitheachta Chathair Bhaile Átha Cliath faoi Éire Ildánach, tá cúnamh á thabhairt maidir le healaín na mblianta luathóige, cláir amharc-ealaíon agus féilte agus imeachtaí rannpháirtíochta do leanaí.

Tá cláir a théann i gcion ar fud na cathrach, chomh maith le deiseanna maidir le rannpháirtíocht go háitiúil, á dtabhairt chun cinn mar gheall ar straitéis cruthaitheachta na cathrach, idir 14 Sráid Henrietta, Dánlann Hugh Lane Chathair Bhaile Átha Cliath, an áit a bhfuil Stiúideo Francis Bacon agus Spásanna Déantúsóirí, Moil Cultúir agus Clubanna Cultúir, idir scríbhneoirí cónaithe agus tograí oscailte amharclannaíochta agus damhsa.