Is minic a luaitear le Contae Chill Mhantáin gur ann atá garraí na hÉireann mar gheall ar a bhfuil den chultúr agus den oidhreacht ag baint leis an taobh tíre ann. Tá ilghnéitheacht ag rith leis an gcontae ó thaobh na topagrafaíochta de, le sléibhte, réimsí cósta, coillearnach, bogach agus ionaid oidhreachta ón ré ársa i leith. I bhfianaise a mbíonn de thairbhe as an oidhreacht cultúir sin maidir le saol an uile dhuine sa chontae, tá creat láidir curtha i dtreis ag Comhairle Chontae Chill Mhantáin maidir le seirbhísí cultúir a chur ar fáil ionas go dtugtar réimsí éagsúla chun cinn, mar shampla, ailtireacht, turasóireacht, pleanáil uirbeach agus pleanáil tuaithe, an fearann poiblí, agus forbairt shóisialta, pobail agus eacnamaíochta.

Tuigtear don Chomhairle an fiúntas atá leis an gcruthaitheacht mar chuid de na seirbhísí cultúir a chuirtear ar fáil agus, tríd an gclár Éire Ildánach, tá de chuspóir ag an gComhairle an comhar páirtnéireachta a chothú agus cur leis na deiseanna atá ag an bpobal i gcomharsanachtaí éagsúla ar fud Chill Mhantáin dul i ngleic lena n-oidhreacht cultúir ar bhealaí atá nua, ardaidhmeach, bríomhar.

Tá cónaí i gCill Mhantáin ar phobal bisiúil ealaíontóirí agus daoine eile den aos dána a chleachtann saothar i réimse leathan de mheáin éagsúla. Tá cuid mhór curtha i gcrích sa chontae ó bunaíodh an Oifig Ealaíon d'fhonn treisiú go háitiúil leis an bhfiúntas agus leis an tairbhe atá as cleachtadh na healaíne ar leibhéal ardaidhme agus as rannpháirtíocht inti. Tá creatchóras láidir ar bun faoin tráth seo trína gcuirtear bonn daingean faoi ról na healaíne san fhorbairt ar chomharsanachtaí ina mbíonn muintir an phobail tréitheach cruthaitheach.

Cuireann an clár Éire Ildánach ar ár gcumas treabhadh chun cinn le breis dío