I mí na Samhna 2022, chuir maoiniú Oileán Comhroinnte ó Éire Ildánach borradh faoin tionscal nuair a chuaigh Comhairle Chontae Dhún na nGall agus Comhairle Chathair Dhoire agus Cheantar an tSratha Báin i mbun comhoibrithe chun Yarns – Comhdháil don tionscal faisin agus teicstíle a mhair dhá lá, a reáchtáil. Agus é á óstáil ag Comhairle Chontae Dhún na nGall i gcomhpháirtíocht le Comhairle Chathair Dhoire agus Cheantar an tSratha Báin, reáchtáladh imeachtaí ar an 18 agus 19 Samhain 2022 in Amharclann Playhouse agus san Ionad Dearaidh Faisin & Teicstíle i nDoire, chomh maith leis an Ionad Cultúir Réigiúnach i Leitir Ceanainn.

Rinneadh ceiliúradh ar láidreacht agus ar oidhreacht thionscal an fhaisin agus na teicstíle in Iarthuaisceart na hÉireann agus tugadh deis speisialta do ghnólachtaí léargas eisiach a fháil agus iad ag líonrú lena bpiaraí. Ar bhuaicphointí na comhdhála bhí na ceardlanna praiticiúla agus na comhairliúcháin a thug saineolaithe éagsúla ón tionscal, chomh maith le scéalta i dtaobh tionscail a bhfuil ag éiri go maith leo go háitiúil agus comhairle do na rannpháirtithe.

Mar chuid den chlár bhí ceardlanna praiticiúla amhail Déanamh Málaí agus Mapáil Éiceachórais le Deirdre Lane, aghaidh a thabhairt ar an bpróiseas déantúsaíochta le Orla Ward & Deirdre Wild ó Bottummy agus Crafting a Creative Story le Aideen Bodkin ó A-Line

Chuir daoine a bhfuil ardphróifílí acu i dtionscal faisin agus teicstíle na hÉireann, lena n-áirítear Sonya Lennon, Aisling Farinella, Paula Hughes, Deirdre McQuillan agus Aideen Bodkin, ceardlanna agus plé painéil ar fáil agus rinne siad comhairliúcháin 1:1 chun tacú le huaillmhianta an lucht freastail agus iad a spreagadh. Le linn na hócáide freisin roinn úinéirí ó ghnólachtaí áitiúla agus ionadaithe ó ghnólachtaí amhail Rosy Temple ó Magee 1866, Edel MacBride, Bridie Mullin, Chris Weiniger ó Donegal Yarns, Bridgene Graham & Niall Lynch ó Coalesce Wearable Art, eolas faoin gcaoi a bhfuil ag éirí chomh maith lena ngnólachtaí féin.

Ócáid an-phraiticiúil ar éirigh go maith leis ab ea Yarns do na daoine ar fad a bhí bainteach le tionscal an fhaisin agus na teicstíle nó ar theastaigh uathu a bheith bainteach leis. Ceann de na buntáistí ba mhó a bhain leis an gcomhdháil ná go raibh eolas agus taithí á roinnt le chéile ag na ndaoine a bhíonn ag obair i dtimpeallacht trasteorann. Chabhraigh sé leis an gcaidreamh idir Comhairle Chontae Dhún na nGall agus Comhairle Chathair Dhoire agus Cheantar an tSratha Báin a neartú agus chuir sé deiseanna fáis agus comhoibrithe ar fáil don tionscal.